I epizoda O lačho daro si kedi e čhavenge katar 6 dži 10 berš. I tema si o daripe.I emisia sikavel so si o gindipe kana isi daripe. O adeto e darosko si purano kobor thaj o manušipe. E daroja oven dende vaše biande dive, bare dive vaj aver, a varesavodrom thaj bizo sebepo. Sar te le lačho daro?

Alusarindo o daro majbut alusaras kodova so amenge si lačho vaj mangas te ovel amen. Thaj alusaras daroja save so amenge dikhon sar šukar. Numa kodoleske so das o daro na džanas si šukar leske vaj na? Kana kinas o daro rubul te dikhas kodova kaske las. Nane bare džanlipastar si vaj na o daro šužo, praktikano, funkcionlnikano amenge. But ši šukar kana kodova mangel i persona savake adava amen das. O baripe e darosko si phare te ovel vakerdo. Majbaro baripe si kana e manuša džanen kastar adava avilo lenge. O lačhipe e darosko si kaj ovel dendo ilestar thaj te ovel gindime so mangel i persona sava amen mangas te lošaras.

Kana kinas o daro trubul te ikeras amen dži o principo „so o čhavo mangel“, a na so amen mangas. O kuč daro na anel kaj si idealno daro. Numa trubul te dikhljoven thaj e kriterije savenge amen trubul te das džanipe thaj kodova kana si e čhave dži 3 thaj dži 6 berš. Trubul te ovel dikhlo si šukar kodole beršenge vaj na. Misal: e čhaveske katar 4 berš amen našti t da tropalka thaj na treno, numaj šaj lopta vaj kocke te mangel len o čhavo. Trubul te dikha thaj o materialo savestar si kerdo, save bojenca si thaj te na oven xurde. E tikne čhavenge (dži trinto berš) si šukar e pikturake lila zurale patrinenca, xari tekstosa thaj putarde ilustracienca.

E daroja na trubul te oven but, kodoleske so e čhave našalen o hošipe e šukrikeripasko. E daroja si šukar i familia te ovel phandli. E daronca avel thaj e angalja, čumidipa, baxtarina, tate lafia. E darosa ovel sikavdo 0 kamlipe, lačhipe, galja thaj patjivipe. E materialnikane butja našti te den o kamipe e čhaveske e dajengo/dadengo, o jekhethano nakhlo vaxt, asape thaj lafikeripe. O čhavo šaj nane te del pes godi ke kuč butja save so dende les e daja/dad, numa ka del pes godi ko vaxt savo nakhlja olenca. Adjaar sikaven e čhave so o materialno nane but bare džanlipastar. E čhave saven isi hošipe kaj nane olen respekto thaj kamipe, šaj te vazden adhinipe kater e materialnikane butja. Te ovel tumen ko gidnipe so e čhavenge majbaro si o vaxt savo so nakhen lenca.

O daripe sikljovel pes katar tiknipe. Mangel varesavo te lel thaj te de daro si adhinipe katar e adetura thaj o baro džanlipe e daripasko ani familia. Ane familie savende si arakhlo o daripe, e čhave ka sikljoven te lošanen nekas darosa, a thaj von te lošanen kana ka del len varesavo manuš darosa thaj kodova kana si majxurdi buti ko pučipe. O čhavo so sakana isi les kuč daroja isi les mesažo so sakana šaj te lel so mangel. E tikne daronca isi aver mesažo so sam nekaske bare džanlipastar thaj sam kamle.