Mikroskopo si emisia savi so si kerdi e čhavenge katar 5 dži 10 berš, thaj uzal so sikavel e čhaven e funkciasa e mikroskopeski, thaj sikavel vaši higiena, thaj šaj te ovel vakerdipe lenca sar ovela kerdi i higiena thaj sar šaj te ikerel pes.

Thaj uzal kodova so ovel vakerdo „so i higiena si ekvaš sastipe“ majbut ovel leli sar deipe dži džanipe kaj trubul te thovas e vasta, danda, sima, bala, badano, thaj voj anel so i personalno higiena lela thaj o thovipe e šejengo, meniengo thaj e thanesko saveste sako dive bešas.

E čhave si tikne rodljarutne save so mangen te sikljoven ke aver čhania, aktivitetonca thaj averikane materialonca thaj lenge nane bare džanlipastar savi higiena si len ki godi kana khele. O džanipe e dajengo/dadengo si maškar e duj agordipa: bidendipe thaj i bari galja savatar avel te na ovel dendo o khelipe  thaj pale te ovel bisterdo o užipe ano anav e čhavorikane tromalipasko thaj spontanipasko.

Sar so si sikavdo ani emisia Mikroskopo, o „biužipe“ amare vastengo saven so isi mikroorganizme thaj save so šaj te legarel lokhe ke aver kotora amare badanesko (jakha, nakh, muj...) thaj adjaar te ovel inficirime vaj pale averen savenca si ko kontakto.

Adaleske si bare džanlipastar katar tiknipe te sikava e čhave so kana ka avel khere thaj anglo habe thaj palo džaipe ano wc te thovel pire vasta. Si bare džanlipastar te thovel pe danda javinate thaj anglo sovipe (thaj palo habe e gudle butjengo, thaj ma te lel kodova anglo sovipa), sako dive te arakhel o užipe e badanesko thaj e balengo. Kodoleste o čhavo trubul te labarel butja vaši personalno higiena thaj ano khelipe te na del e avere čhavenge.

Lipardam so i personalno higiena nane numa užo badani, numa si thaj e uže šeja thaj o užo dživdipasko thanipe. Kodoleske so isi aktivipa diveske, o terneder čhavo but fare trubul te ikalel pestar, a o phureder čhavo kana isi les tuširipe te ovel les thaj ikaldipe e sostenjengo. Kana si e thanipasko užipe ko pučipe- sar misal e čhaveske- trubul thaj vov te lel than ano užaripe.

Kana si majtikne e čhave trubul te oven sikavde ko higienake sikavdipa. Kodoleske so e tikne šaj te imitirinen e baren, si šukar e daja/dada te oven  lenge sakodivutno modelo kana si e higienake sikavdipe ko pučipe thaj peske misalesa te sikaven len so trubul te keren, sar korkori te keren užipe, thaj kaj sa adava šaj te ovel sar khelipe thaj interesno, a na khinipasko.

Jekhutno si šukar thaj i daj o dad te sikaven len ko sakodiveske sikavdipa, higienake sikavdipa, rodipe e nevljaripasko, a kodoleske thaj but buti ko sikavdipe thaj koregiripe, but lačharipe thaj kamipe.